logo_geo
„ემის“ 73-ე დაჯილდოებაზე „ლაზიერის გამბიტმა“ ორ ნომინაციაში გაიმარჯვა
- +

20 სექტემბერი. 2021. 13:44

 

 

ლოს ანჯელესში „ემის“ რიგით 73-ე დაჯილდოება გაიმართა. გასული წლის დაჯილდოებისგან განსხვავებით, რომელიც ონლაინრეჟიმში მიმდინარეობდა, წელს მოწვეულ სტუმრებს მთავარი სატელევიზიო პრემიის ცერემონიაზე დასწრების საშუალება მიეცათ. დაჯილდოებას კომიკოსი სედრიკ „გამრთობი“ მასპინძლობდა.

 

„ემის“ რიგით 73-ე დაჯილდოება წარმატებული გამოდგა ტელესერიალ „გვირგვინის“ მეოთხე ნაწილისთვის. დრამატულმა ტელესერიალმა შვიდ ნომინაციაში გაიმარჯვა, მათ შორის წლის საუკეთესო დრამატული სერიალისთვის, დრამატულ სერიალში ქალისა და მამაკაცის პირველხარისხოვანი და მეორეხარისხოვანი როლებისთვის. ტელესერიალის მეოთხე ნაწილი განსაკუთრებით მოექცა საზოგადოების ყურადღების ცენტრში, რადგან ძირითადად, პრინც ჩარლზისა და პრინცესა დაიანას შორის არსებულ ურთიერთობებზე იყო აგებული. ტელესერიალში ბრიტანეთის იმჟამინდელი პრემიერ-მინისტრის, მარგარეტ ტეტჩერის როლი ჯილიან ანდერსონმა განასახიერა.

 

სერიალმა „ტედ ლასომ“ ოთხ ნომინაციაში გაიმარჯვა, მათ შორის წლის საუკეთესო კომედიურ სერიალში მამაკაცის საუკეთესო პირველხარისხოვანი და კომედიურ სერიალში მამაკაცისა და ქალის საუკეთესო მეორეხარისხოვანი როლების ნომინაციებში. ტელესერიალი ამერიკელი მწვრთნელის შესახებ მოგვითხრობს, რომელიც ბრიტანეთის პრემიერ-ლიგის გამოგონილ საფეხბურთო გუნდს წვრთნის. სერიალში მთავარ როლს, რომელმაც ჯილდო მამაკაცის საუკეთესო პირველხარისხოვანი როლისთვის აიღო, ჯაისონ სუდეკისი თამაშობს.

 

„ნეტფლიქსის“ კიდევ ერთმა სერიალმა, „ლაზიერის გამბიტი“, ორ ნომინაციაში გაიმარჯვა, მათ შორის წლის საუკეთესო მინისერიალისთვის და წლის საუკეთესო რეჟისურისთვის.

 

73-ე დაჯილდოების საბოლოო შედეგები კი შემდეგნაირად გამოიყურება: „გვირგვინი“ – შვიდი ჯილდო, „ტედ ლასო“ – ოთხი ჯილდო, „ჰაქსი“ – სამი ჯილდო, „მეირი ისტტაუნიდან“ – სამი ჯილდო, „ყოფილი კვირა დღეს საღამოს ჯონ ოლივერთან“ – ორი ჯილდო და „ლაზიერის გამბიტი“ – ორი ჯილდო.

 

აღსანიშნავია, რომ „ემის“ ჯილდოები მინისერიალში განსახიერებული მამაკაცისა და ქალის საუკეთესო როლებისთვის ქეით უინსლეტმა და ევან მაკგრეგორმა აიღეს.

 

ქეით უინსლეტმა მადლობა გადაუხადა საკუთარ კოლეგა ნომინანტებს და განაცხადა, რომ ჯილდოს უძღვნის ქალებს, რომლებიც გვერდით უდგანან ერთმანეთს.

 

ოლივია კოულმენმა, რომელმაც გამარჯვება ბრიტანეთის დედოფლის, ელისაბედ მეორის განსახიერებისთვის დაიმსახურა, ჯილდო მის მამას მიუძღვნა, რომელიც მისი განცხადებით, კორონავირუსს ემსხვერპლა.

 

დაჯილდოების ცერემონიის დროს, მემორიალურ ნაწილში გაიხსენეს ისეთი ტელესახეები, როგორიცაა ლარი კინგი, მაიკლ აპტედი, ალექს ტრენეკი, ჰელენ მაკრორი, ჯესიკა უილსონი და მაიკლ უილიამსი.

 

აღსანიშნავია, რომ „ემის“ 73-ე დაჯილდოება გახდა პირველი მნიშვნელოვანი შოუ, რომლის ორგანიზატორები მოითხოვდნენ, ყველა მონაწილე ყოფილიყო კორონავირუსის ვაქცინით აცრილი, ხოლო თითოეულ ნომინანტთან ერთად მოწვეული სტუმრების რაოდენობა ოთხ ადამიანამდე შეზღუდა, რომლებსაც კორონავირუსის ტესტის უარყოფითი ტესტი უნდა წარედგინათ.

 

შეგახსენებთ, ქართველმა მოჭადრაკემ, ნონა გაფრინდაშვილმა „ნეთფლიქსს“ მინისერიალ „ლაზიერის გამბიტში“ მის შესახებ გამოთქმული არასწორი ინფორმაციის გამო უჩივლა.

 

კერძოდ, როგორც სარჩელშია ნათქვამი, სერიალის ერთ-ერთ ეპიზოდში ნონა გაფრინდაშვილის კარიერული მიღწევების შესახებ არასწორი ინფორმაცია გაჟღერდა. „ნეთფლიქსის“​ სერიალის ერთ-ერთ ეპიზოდში ნათქვამია, რომ გაფრინდაშვილს მამაკაც მოჭადრაკესთან არასდროს უთამაშია, რაც სიცრუეს წარმოადგენს. სარჩელში ნათქვამია, რომ „ლაზიერის გამბიტში“ აღწერილი ეპიზოდი 1968 წელს განვითარებულ მოვლენებს აღწერს, რა დროსაც გაფრინდაშვილს უკვე ჰქონდა ნათამაშები 50-ზე მეტ მამაკაც მოჭადრაკესთან.

 

ქართველი მოჭადრაკის, ნონა გაფრინდაშვილის მიერ „ნეთფლიქსის“ წინააღმდეგ სარჩელის შესახებ „ბიბისიმაც“ დაწერა. მედიასაშუალების ცნობით, „ნეთფლიქსში“ აცხადებენ, რომ პატივს სცემენ ნონა გაფრინდაშვილის ბრწყინვალე კარიერას, თუმცა ბრალდებებს უსაფუძვლოს უწოდებენ და აღნიშნავენ, რომ თავს დაიცავენ სასამართლოში.

 

 

 

right_banner big_banner
არქივი