16 სექტემბერს Black Sea Arena-ზე, ლეგენდარული ელტონ ჯონი კონცერტს გამართავს. ამის შესახებ ინფორმაცია საკონცერტო დარბაზის ოფიციალური facebook-ის გვერდზე ვრცელდება:

„16 სექტემბერს Black Sea Arena-ზე, SOLO და eastern promotion-ი წარმოგიდგენთ - ბრიტანელი პოპ და როკ-მუსიკოსის, მომღერალის და კომპოზიტორის, ლეგენდარული Elton John-ის და მისი ბენდის კონცერტს. გრემის ჯილდოს ექვსგზის მფლობელი მუსიკოსი საქართველოს პირველად ეწვევა და Black Sea Arena-ს სცენაზე წარსდგება ქართველი მსმენელის წინაშე.

ლეგენდარული ელტონ ჯონის კონცერტზე დასასწრები ბილეთების გაყიდვა SOLO-ს წევრებისათვის 25 ივნისიდან, ხოლო არა წევრებისთვის კი 29 ივნისიდან დაიწყება. ბილეთების შეძენა SOLO ლაუნჯებში და www.tkt.ge-ზე შეგეძლებათ" ,- ნათქვამია Black Sea Arena-ს მიერ გავრცელებულ განცხადებაში.