საქართველოს პრემიერ-მინისტრი გიორგი კვირიკაშვილი საქართველოს მოსახლეობას უვიზო რეჟიმის მინიჭებას ულოცავს. ამის შესახებ განცხადებას პრემიერი სოციალურ ქსელ „ტვიტერში" ავრცელებს და აქვე ევროპარლამენტს საქართველოს ვიზა-ლიბერალიზაციის საკითხზე მიღებული დადებითი გადაწყვეტილებისთვის მადლობას უხდის.
„გილოცავთ! ეს ნამდვილად ისტორიული დღეა! მადლობა ევროპარლამენტს საქართველოს მოქალაქეებისთვის ევროპაში უვიზოდ მიმოსვლის უფლების მინიჭებისთვის!" - წერს გიორგი კვირიკაშვილი.
ევროპარლამენტმა საქართველოს ვიზა-ლიბერალიზაცია მიანიჭა. ევროპარლამენტში საქართველოსთვის უვიზო რეჟიმის მინიჭების შესახებ კენჭისყრა რამდენიმე წუთის წინ დასრულდა.
საქართველოსთვის უვიზო რეჟიმის მინიჭებას ევროპარლამენტში 553 დეპუტატმა დაუჭირა მხარი. წინააღმდეგი კი 66 დეპუტატი გახლდათ.