logo_geo
ლევან დავითაშვილი: ჩვენ ველოდებით, რომ რამდენიმე ათასი ტექნიკის დაფინანსება მოხდება და თითო სოფელში ერთი ახალი ტექნიკა მაინც გაჩნდება
- +

26 ივლისი. 2021. 13:57

 

 

„ჩვენ ველოდებით, რომ რამდენიმე ათასი ტექნიკის დაფინანსება მოხდება, როგორც იმპლემენტების, ისე, გამწევი ტექნიკისა და ტრაქტორების. რაც ნიშნავს, რომ საქართველოში თითო სოფელში ერთი ახალი ტექნიკა მაინც გაჩნდება“,- ამის შესახებ გარემოს დაცვისა და სოფლის მეურნეობის მინისტრმა, ლევან დავითაშვილმა მთავრობის ადმინისტრაციაში განართულ ბრიფინგზე განაცხადა.

 

მისი თქმით, მოსახლეობის დიდი ნაწილი შეძლებს ტექნიკის შეძენას.

 

„განსხვავებით წინა წლებისგან, როდესაც ძალიან მცირე რესურსები გვქონდა და პრაქტიკულად რამდენიმე საათში იკეტებოდა განაცხადების მიღება, რადგან მოთხოვნა საკმაოდ დიდი იყო, 50 მილიონი დაფინანსება ნიშნავს, რომ მოსახლეობის დიდი ნაწილი შეძლებს ტექნიკის შეძენას. ჩვენ ველოდებით, რომ რამდენიმე ათასი ტექნიკის დაფინანსება მოხდება, როგორც იმპლემენტების, ისე, გამწევი ტექნიკისა და ტრაქტორების. რაც ნიშნავს, რომ საქართველოში თითო სოფელში ერთი ახალი ტექნიკა მაინც გაჩნდება. რა თქმა უნდა, ეს თანაბრად შესაძლოა არ გადანაწილდეს, მაგრამ მაქსიმალურად ვეცდებით, რომ ყველასთვის იყოს ხელმისაწვდომი. სწორედ ამისთვის მოხდა ტექნიკის დაყოფა 20 ათას, 100 ათას და 100 ათასზე მეტი ღირებულების. შესაბამისად ამ ჯგუფებიდან კვოტები იქნება ბიუჯეტში გამოყოფილი, რომ როგორც მცირე მექანიზაციის დაფინანსება მოვახერხოთ, ისე საშუალო და უფრო ძვირადღირებული ტექნიკის შეძენა. ამ ყველაფრისთვის თანხა სამინისტროს ბიუჯეტიდან იქნება მობილიზებული, ნაწილი მიმდინარე წელს, ნაწილი კი მომავალ წელს, იმის მიხედვით, როგორ იქნება ტექნიკის შემოყვანა“, - განაცხადა ლევან დავითაშვილი.

 

right_banner big_banner
არქივი