"ის, რომ გუბაზ სანიკიძე საკუთარი სახელმწიფოსა და ხალხის წინააღმდეგ აპირებს ომს, ეს არის ერთ-ერთი დასტური იმისა, რომ ის წარმოადგენს რადიკალურ ოპოზიციას", - ამის შესახებ „ხალხის ძალის“ ერთ-ერთმა ლიდერმა, გურამ მაჭარაშვილმა ქრონიკასთან“ განაცხადა.

„ჩვენ, „ხალხის ძალა“ არაერთხელ ვამბობდით, რომ მათი მიზანი იყო მეორე ფრონტი ქვეყანაში - ახლა ბატონი გუბაზი ამაში სამწუხაროდ დაგვეთანხმა, რადგან მათი მიზანი არის ომი. რადიკალური ოპოზიცია და მისი წარმომადგენლები უკვე ღიად, საჯაროდ, ყოველგვარი მიკიბ-მოკიბვის გარეშე, პირდაპირ აცხადებენ, რომ დიახ, ისინი აპირებენ ომს საკუთარი სახელმწიფოს წინააღმდეგ“, - განაცხადა მაჭარაშვილმა.

გუბაზ სანიკიძემ ტელეკომპანია „კავკასიის“ ეთერში განაცხადა: „ამას მარტო ჩემი სახელით არ ვამბობ, მეომრებთან მილაპარაკია, აქ ბევრი ვაპირებთ ომს!“