logo_geo
მამუკა მდინარაძე „საერთაშორისო გამჭვირვალობის“ ინიციატივაზე: პირადად მოვუწოდებ ჩვენი გუნდის წევრებს კანონპროექტის მხარდაჭერისკენ, თუ დეტალურად გამოაქვეყნებენ, საკუთარი საქმიანობის ფინანსურ ანგარიშებს
- +

10 ივნისი. 2023. 22:28

 

 

“თუ NGO სექტორის გამჭვირვალობას ეხება, კანონპროექტი რუსულია და თუ მოხელეების გამჭვირვალობასა და მათ ფინანსურ საქმიანობას, ეს სადაურია? ფრანგული, ამერიკული, გერმანული, თუ სადაურია? რამდენად ფარისევლები არიან! რამდენად ყალბია მათი ნარატივები! დავალება რამდენად თვალსაჩინოა, რომ ყველაფერს რუსული ეძახონ”, - ამის შესახებ ჟურნალისტებს „ქართული ოცნების“ აღმასრულებელმა მდივანმა, მამუკა მდინარაძემ „საერთაშორისო გამჭვირვალობის“ ინიციატივაზე საუბრისას განუცხადა.

 

მისი თქმით, პირადად იგი ამ კანონპროექტს მხარს დაუჭერს.

 

„მე პირადად ვაძლევ გარანტიას, რომ მე დავუჭერ მხარს და მოვუწოდებ ჩვენი გუნდის წევრებს ამ კანონის მხარდაჭერისკენ. თუ ისინი დეტალურად გამოაქვეყნებენ, საკუთარი საქმიანობის ფინანსურ ანგარიშებს - რომელ პროექტში რამდენს ხარჯავენ და საიდან აქვთ ეს შემოსავალი, მაგრამ ამას ვერ გააკეთებენ. გამორიცხულია! ათასგვარ რამეს მოიგონებენ, ოღონდ ეს არ გააკეთონ“, - განაცხადა მდინარაძემ.

 

 

big_banner
არქივი