ქუთაისის საერთაშორისო უნივერსიტეტის სტუდენტებს საფრანგეთში მოღვაწე ქართველი კინორეჟისორი გელა ბაბლუანი შეხვდა.
ქუთაისის საერთაშორისო უნივერსიტეტში კინორეჟისორმა საქართველოში მის მიერ დაფუძნებული ფრანგული კინოსკოლის შესახებ პრეზენტაცია გამართა. საფრანგეთში მოღვაწე ქართველი ხელოვანი KIU-ს სტუდენტებს შეხვდა და მათ საკუთარი ნამუშევრების შესახებ მოუყვა. ახალგაზრდებს საშუალება ჰქონდათ, რეჟისორის შემოქმედებას გაცნობოდნენ. შეხვედრას, სტუდენტებთან ერთად, უნივერსიტეტის კანცლერი მაგდა მაღრაძე და KIU-ს თანამშრომლები დაესწრნენ.
2021 წლის 8-12 მაისს, ქუთაისის მერიისა და საქართველოს ეროვნული კინოცენტრის მხარდაჭერით, ქუთაისის საერთაშორისო მოკლემეტრაჟიანი ფილმების ფესტივალი ტარდება. სწორედ ამ პროექტის ფარგლებში ესტუმრა რეჟისორი გელა ბაბლუანი ქუთაისის საერთაშორისო უნივერსიტეტს.