logo_geo
ხიხანის ციხემდე ასასვლელი ბილიკის კეთილმოწყობა იწყება
- +

14 მაისი. 2021. 10:23

 

 

აჭარაში ხიხანის ციხეზე ასასვლელი ტურისტული ბილიკის მოწყობა იწყება. ტურისტული ბილიკის დალაშქვრის გამარტივების მიზნით, აჭარის ტურიზმის დეპარტამენტის ტურისტული პროდუქტების განვითარების სააგენტო ციხეზე ასასვლელი ბილიკის გაფართოებას, მოაჯირების მონტაჟს, კიბეებისა და მოსასვენებელი ადგილების მოწყობას გეგმავს.

 

ზღვის დონიდან 2236 მეტრზე მდებარე ხიხანის ციხე ერთ-ერთი ყველაზე კარგად შემონახული და რთულად მისასვლელი ციხე-სიმაგრეა აჭარაში. ციხე უნიკალურია, როგორც თავისი ადგილმდებარეობით და იერსახით, ისე გარშემორტყმული ლანდშაფტით.

 

აჭარის ტურიზმის დეპარტამენტის ცნობით, ციხე განთავსებულია მთის ფერდობზე ერთ-ერთ ყველაზე რთულ რელიეფზე, სადაც ასვლა შესაძლებელია მხოლოდ მთის აღმართში გაკვალული ბილიკით, რომელიც დღეის მდგომარეობით გარკვეულ მონაკვეთებში არის სახიფათო და მისი დალაშქვრა განსაკუთრებულ ფიზიკურ მზაობას მოითხოვს.

 

პროექტის მიხედვით, ბუნებრივ და ეკოლოგიურ გარემოსთან შეხამებული ტურისტული ბილიკის ინფრასტრუქტურული მოდელის შექმნა იგეგმება, რაც პირველ რიგში უსაფრთხოს და მიმზიდველს გახდის ხიხანის ციხის დალაშქვრას. გარდა ამისა, ხიხაძირის ხეობაში ხიხანის ციხე გახდება არა მხოლოდ ალპური მარშრუტების მთავარი დანიშნულების ადგილი, არამედ მთავარი მიზიდულობის ცენტრი, რომელიც გაზრდის ვიზიტორების რაოდენობას ხეობაში.

 

big_banner
არქივი