საქსტატის მონაცემებით, გასული წლის დეკემბერში საქართველოს ეკონომიკა 3.8 %-ით გაიზარდა, ხოლო 2019 წლის ჯამურმა ზრდამ 5.2 % შეადგინა.
გასული წლის განმავლობაში საქართველოს ეკონომიკა ყველაზე მეტად 5.8%-ით მე-3 კვარტალში გაიზარდა. ყველაზე ნაკლები - 4.6 %-იანი ზრდა მეორე კვარტალში დაფიქსირდა.
საქსტატის მონაცემებით, 2019 წლის დეკემბერში დღგ-ის გადამხდელი საწარმოების ბრუნვამ 8.671 მილიარდი ლარი შეადგინა, ზრდა წინა წელთან შედარებით 14.4%-ია.