logo_geo
AAWE: ბოლო 9 წლის განმავლობაში, აშშ-ში ქართული ღვინის იმპორტი 5-ჯერ გაიზრდა
- +

6 დეკემბერი. 2021. 13:01

 

 

ამერიკის ღვინის ეკონომისტთა ასოციაცია აშშ-ში, 2012 წლის შემდეგ, ქართული ღვინის იმპორტის 5-ჯერ გაზრდის შესახებ ინფორმაციას აქვეყნებს.

 

ამერიკის სტატისტიკის ბიუროს მონაცემებზე დაყრდნიბით, თუ 2012 წლის პირველ სამ კვარტალში (იანვარ-სექტემბერი) საქართველოდან აშშ-ში იმპორტირებული იყო 627 ათასი აშშ დოლარის ღირებულების ღვინო, 2021 წლის იმავე, იანვარ-სექტემბრის პერიოდში, იმპორტირებულია 3,268 მლნ აშშ დოლარის ღირებულების ღვინო, რაც 5-ჯერ აღემატება 2012 წლის მონაცემებს. საშუალო წლიური ზრდის ტემპი 17,95%-ს შეადგენს.

 

„ღვინის ეკონიმისტთა ამერიკული ასოციაცია“ პრესტიჟული ამერიკული ორგანიზაციაა. ასოციაციამ მიმდინარე წლის მარტში გაავრცელა ინფორმაცია, სადაც აღნიშნული იყო, რომ 2020 წელს, აშშ-ში ღვინის იმპორტის საერთო მაჩვენებელი, 2019 წელთან შედარებით, 9.4%-ით შემცირდა, თუმცა, იმპორტის შემცირების პირობებში, საქართველო წინსვლასა და იმპორტის ზრდას აგრძელებს.

 

2020 წელს, აშშ-ში იმპორტირებული ქართული ღვინის ღირებულება 21.4%-ით გაიზარდა და 3,93 მლნ აშშ დოლარს მიაღწია.

 

„ამერიკის შეერთებული შტატები ქართული ღვინის სტრატეგიული ბაზარია, სადაც საქართველოს გარემოს დაცვისა და სოფლის მეურნეობის სამინისტროსა და ღვინის ეროვნული სააგენტოს მიერ, ღვინის კერძო ინდუსტრიასთან თანამშრომლობით, თანმიმდევრული მარკეტინგული ღონისძიებები ხორციელდება, რის შედეგადაც, ქართული ღვინის ცნობადობა და, შესაბამისად, ექსპორტი სტაბილურად მზარდია“, - აცხადებენ ღვინის ეროვნულ სააგენტოში.

 

 

 

 

 

big_banner
არქივი