logo_geo
ბორჯომის ტყის აღსადგენად შეგროვებულ თანხაში - 403 214 ლარში საქართველო-ირლანდიის თამაშიდან შემოსული თანხაც შევიდა
- +

30 სექტემბერი. 2017. 02:37



ბორჯომის ტყის აღსადგენად შეგროვებულ თანხაში - 403 214 ლარში საქართველო-ირლანდიის თამაშიდან შემოსული თანხაც შევიდა. საქართველო-ირლანდიის 2018 წლის მსოფლიო საფეხბურთო ჩემპიონატის შესარჩევ მატჩზე, რომელიც 2 სექტემბერს გაიმართა, ქველმოქმედებისთვის დაახლოებით 102 ათასი ლარი შეგროვდა. ამის შესახებ პირველ არხს საქართველოს ფეხბურთის ფედერაციაში განუცხადეს.


შესაბამისად, დღეს გამართული საქველმოქმედო მატჩის - „მსოფლიოს ვარსკვლავები საქართველოსთვის" ბილეთების რეალიზაციიდან შემოსული თანხა, რომელიც ბორჯომის ტყის აღდგენას მოხმარდება, დაახლოებით 301 ათასი ლარია.


დღევანდელი თამაშის დასრულების შემდეგ, გავრცელდა ინფორმაცია, რომ ბორჯომის ტყის აღსადგენად 403 214 ლარი მხოლოდ დღევანდელ საქველმოქმედო მატჩზე - „მსოფლიოს ვარსკვლავები საქართველოსთვის" შეგროვდა.








 

big_banner
არქივი