საქართველოს ძალოსანთა ეროვნული გუნდის წევრმა რევაზ დავითაძემ ბუქარესტში ორი ოქროსა და ერთი ვერცხლის მედალი მოიპოვა.

რევაზ დავითაძემ ატაცში სამივე ცდა (156, 160, 163) წარმატებით გამოიყენა და პირველი ადგილი დაიკავა. მან უახლოეს მდევარს 10 კილოგრამით გაუსწრო.

აკვრაში დავითაძემ ასევე ყველა ცდა გამოიყენა (183, 187, 190) და ვერცხლის მედალს დაეუფლა. რევაზ დავითაძემ ორჭიდის ჯამში 353 კგ მოაგროვა და ოქროს მედალი მოიპოვა.