მოჭადრაკე გიორგი სიბაშვილმა თურქეთის ქალაქ ქეშანში გამართულ ტრადიციულ საერთაშორისო ტურნირზე პირველი ადგილი მოიპოვა.

საქართველოს ჭადრაკის ფედერაციის ცნობით, ქართველმა საერთაშორისო ოსტატმა 9-დან 8 ქულით ერთპიროვნულად დაიკავა პირველი ადგილი და ნახევარი ქულით გაასწრო მეორე ადგილზე გასულ დავით მაღალაშვილს.

ასპარეზობა შვეიცარული სისტემით 9 ტურად გაიმართა და მისი საპრიზო ფონდი 32 500 ლირას შეადგენდა.

ტურნირის დანარჩენი ქართველი მონაწილეების ტექნიკური შედეგები:

7.დავით ბენიძე - 6,5 ქულა;

17.გიგა ყუფარაძე - 6 ქულა;

19.დავით ლომსაძე - 6 ქულა