„პორტუგალიელი ფეხბურთელის, კრიშტიანუ რონალდუს სამკლაური აუქციონზე 7,5 მილიონ სერბულ დინარად ($75 ათასად) გაიყიდა“, - ამის შესახებ „ანადოლუ“ წერს.
სამკლაური, რომელიც კაპიტანმა სერბეთის წინააღმდეგ თამაშისას, 2022 წლის მსოფლიო თასის შესარჩევ მატჩში, მსაჯის გადაწყვეტილების გასაპროტესტებლად მოიხსნა და მოედანზე დააგდო, აუქციოზე 6 თვის სერბი ბიჭის სამკურნალო თანხის შესაგროვებლად გაიტანეს.
ფეხბურთელის მიერ მოედანზე მოსროლილი სამკლაური სერბმა მეხანძრემ აიღო და გადაწყვიტა, მისი გაყიდვით მიღებული თანხა იმ ბავშვის სამკურნალოდ გამოეყენებინა, რომელიც ზურგის კუნთოვანი ატროფიითაა დაავადებული.