logo_geo
საქართველოს 17-წლამდე გოგონათა ნაკრები ევრო 2022-ის საკვალიფიკაციო ეტაპისთვის ემზადება
- +

21 სექტემბერი. 2021. 16:18

 

საქართველოს 17-წლამდე ქალ ფეხბურთელთა ნაკრები ლუქსემბურგში საკვალიფიკაციო ეტაპზე ითამაშებს. სალომე ხუბულურის გუნდი შესარჩევი რაუნდის მატჩებისთვის თბილისში ემზადება. ევრო 2022-ის საკვალიფიკაციო ეტაპი ახალი ფორმატით ჩატარდება. 49 ქვეყნის ნაკრები რეიტინგის მიხედვით A და B ლიგაში გადანაწილდა.

 

საქართველოს 17-წლამდე ნაკრები B1 ჯგუფში 24-30 სექტემბერს ბელარუსის, კოსოვოსა და ლუქსემბურგს დაუპირისპირდება.

 

ლუქსემბურგში გამგზავრებამდე, 21 სექტემბერს დავით პეტრიაშვილის სახელობის სტადიონზე საქართველოს 17-წლამდე ნაკრებმა ღია ვარჯიში გამართა.

 

ჩვენი გუნდი ლუქსემბურგში 18 ფეხბურთელის შემადგენლობით 22 სექტემბერს გაემგზავრება.

 

მეკარეები: ანანო ხუცურაული (ბახტრიონი, ახმეტა), თამარ ყიზილაშვილი (ბახტრიონი, ახმეტა)

 

მცველები: ლიზი ჯგუშია (ნორჩი დინამო, თბილისი), ანა პავლიაშვილი (ნორჩი დინამო, თბილისი), ნინო აბულაძე (ნიკე, თბილისი), მაია ხუციშვილი (ნიკე, თბილისი), სალომე კევლიშვილი (ბახტრიონი, ახმეტა), ელენე გაზდელიანი (დინამო, სოხუმი)

 

ნახევარმცველები: მარიამ მამნიაშვილი (ნიკე, თბილისი), ლიზი კანკია (კვარტალი, თბილისი), ელენე ენჯიბაძე (გორი იუნაიტედი, გორი), ლიზი დიასამიძე (დინამო, ბათუმი), რუსუდან მანაგაძე (გორი იუნაიტედი, გორი)

 

თავდამსხმელები: ლიკა მანუჩარაშვილი (ნორჩი დინამო, თბილისი), ელენე ჩიქოვანი (კვარტალი, თბილისი), ნინო ბუხრიკიძე (ნიკე, თბილისი), ლიზი გომელაური (დინამო, სოხუმი), ნინი ბერიძე (დინამო, ბათუმი)

 

ფორმატის თანახმად, B ჯგუფში გამარჯვებული ნაკრებები (სულ ექვსი გუნდი) A ლიგაში გადაინაცვლებენ. წლის ბოლოს კი A ლიგაში მოასპარეზე 28 ნაკრები, ჯგუფში გამარჯვების შემთხვევაში ფინალური ეტაპის საგზურს მიიღებს. ჯგუფებში გამარჯვებულ შვიდ ნაკრებს ევროპის ჩემპიონატის მასპინძელი ბოსნია-ჰერცეგოვინა შეუერთდება. რვა გუნდის მონაწილეობით ფინალური ეტაპი 2022 წლის 3-15 მაისს გაიმართება.

 

წყარო : wyaro
right_banner big_banner
არქივი