„უკრაინელმა ალექსანდრ უსიკმა, ტოტენჰემის სტადიონზე, ენტონი ჯოშუა 12 რაუნდში, ანგარიშით 117-112, 116-112, 115-113 დაამარცხა“, - ამის შესახებ BBC წერს.

არსებული ინფორმაციით, დაპირისპირებისას, ჯოშუას თვალის ბუდე დაუზიანდა, რის გამოც, შესაძლოა, სამედიცინო ჩარევა დასჭირდეს. „თქვა, რომ მეცხრე რაუნდის შემდეგ ვეღარ ხედავდა“, - ამბობს სპორტსმენის წარმომადგენელი მედიასთან.

ენტონი ჯოშუა თანამედროვეობის ერთ-ერთი გამორჩეული ათლეტია - მოკრივე, რომელიც არაერთ საჩემპიონო ქამარს ფლობს და დაცვა და შეტევა ერთნაირად კარგად ეხერხება.

უსიკი მსოფლიოს აბსოლუტური ჩემპიონის სტატუსს ფლობს. მას კარიერაში 20-მდე ბრძოლა აქვს მოგებული, რომელთაგანაც, დაპირისპირებათა უმეტეს შემთხვევაში, ნოკაუტით გაიმარჯვა.

წყარო :