„ბარსელონას“ მთავარი მწვრთნელი ჩავი ერნანდესი იქნება. ინფორმაციას ამის შესახებ კატალონიური კლუბის ოფიციალური ვებგვერდი ავრცელებს.
ჩავი ერნანდესის კონტრაქტი 2024 წლის ზაფხულამდე იქნება გათვლილი.
კონტრაქტის ოფიციალური გაფორმება და ახალი მწვრთნელის პრეზენტაცია 8 ნოემბერს იგეგმება.
ჩავიმ თავისი სამწვრთნელო კარიერა კატარის „ალ-სადში“ დაიწყო, სადაც ფეხბურთელი კარიერის უკანასკნელი წლები გაატარა. 2 წლის განმავლობაში მან კატარულ კლუბთან 7 ტიტული მოიპოვა.
„ბარსელონა“ მწვრთნელის გარეშე 28 ოქტომბერს დარჩა. კატალონიური კლუბის ხელმძღვანელობამ ნიდერლანდელი სპეციალისტი რონალდ კუმანი მთავარი მწვრთნელის თანამდებობიდან გუნდის არადამაკმაყოფილებელი შედეგების გამო დაითხოვა.