მადრიდის „რეალისა“ და „ბარსელონას“ პრეზიდენტებმა ფლორენტინო პერესმა და ჟოან ლაპორტამ ზეპირ შეთანხმებას მიაღწიეს.
როგორც გაზეთი „Marca“ წერს, კლუბების ხელმძღვანელებმა მოილაპარაკეს, რომ არ გადაიბირებენ ერთმანეთის ფეხბურთელებს, რომლებსაც კონტრაქტის ვადა ეწურებათ. იგულისხმება ექვსი თვე ხელშეკრულების ვადის გასვლამდე.
ამასთან, შეთანხმება არ ეხება სხვა გუნდებიდან „რეალისა“ და „ბარსელონას“ სატრანსფერო მიზნებს.