საქართველოს პარატაეკვონდოს ნაკრებმა, ალბანეთში, ევროპის თასზე, წარმატებით იასპარეზა, სადაც 1 ოქროსა და 3 ბრინჯაოს მედლის მოპოვება შეძლო, - ინფორმაციას საქართველოს პარალიმპიური კომიტეტი ავრცელებს.
ოქროს მედალი:
გიორგი ხიზანიშვილი (-58 კგ);
ბრინჯაო:
ლია ჩაჩიბაია (-47 კგ);
სანდრო მეგრელიშვილი (-63 კგ);
დავით მაქაძე (+80 კგ).
ალბანეთის ევროპის თასი პარალიმპიური თამაშების სარეიტინგო ტურნირია და მასში 25 ქვეყნის წარმომადგენელი მონაწილეობდა.
პარატაეკვონდოს ნაკრები მესამე წელია, რაც კომიტეტის მხარდაჭერით საერთაშორისო ტურნირებში რეგულარულად მონაწილეობს და, ამ მცირე დროში, მსოფლიოში ერთ-ერთ ყველაზე ძლიერ და ანგარიშგასაწევ გუნდად ჩამოყალიბდა.