„პარი სენ-ჟერმენის“ ფორვარდი ლიონელ მესი ახალი მულტსერიალის მთავარი გმირი გახდება.
არგენტინელი ფეხბურთელის შესახებ პროექტს განახორციელებს Sony Music Entertainment, რომელიც ითანამშრომლებს Leo Messi Management-თან. მულტსერიალი მოყვება მესის ბავშვობის შესახებ, რომლის დროსაც ლეოს სხვადასხვა წინააღმდეგობის გადალახვა უწევს.
„ბავშვობიდან მიყვარდა მულტსერიალები, ჩემი შვილები კი ანიმაციური პერსონაჟების დიდი თაყვანისმცემლები არიან, – მოჰყავს მესის სიტყვები Sony Music-ს. – ანიმაციურ პროექტში მონაწილეობის შესაძლებლობა ბედნიერებას მანიჭებს, რადგან ახდა ჩემი ერთ-ერთი ოცნება! მინდა მადლობა გადავუხადო Sony Music-ს იმისთვის, რომ ამ პროექტის ნაწილი გავხდი. იმედი გვაქვს, რომ საბოლოო შედეგი ყველას მოეწონება, განსაკუთრებით ბავშვებს“.