logo_geo
ჭადრაკში მსოფლიოს მე-17 ჩემპიონი დინ ლიჟენი გახდა
- +

30 აპრილი. 2023. 18:14

 

 

ყაზახეთის ქალაქ ასტანაში დასრულდა ჭადრაკში მსოფლიოს ჩემპიონის ტიტულისთვის მატჩი ჩინელ დინ ლიჟენსა და რუს იან ნეპომნიაშჩის შორის.

 

14 კლასიკური პარტიის შემდეგ გამარჯვებული ვერ გამოვლინდა – 7:7. კვირას ტიტულის ბედი გადაწყდა გადამწყვეტი ტაიბრეიკის (რაპიდი, დროის კონტროლი 25 წუთი+10 წამი) მეოთხე პარტიაში, რომელშიც ჩინელმა 68-ე სვლაზე შავი ფიგურებით მოუგო რუსს. ტაიბრეიკი ლიჟენმა 2.5:1.5 მოიგო. მანამდე სამი პარტია ყაიმით დასრულდა.

 

დინ ლიჟენი მამაკაცებს შორის რიგით მე-17 ჩემპიონი გახდა. ჩინელმა ტიტული გადაიბარა ნორვეგიელი მაგნუს კარლსენისგან, რომლის ნაცვლადაც თამაშობდა საჩემპიონო მატჩში. შეგახსენებთ, რომ კარლსენმა უარი თქვა ტიტულის დაცვაზე მოტივაციის არქონის გამო.

 

 

big_banner
არქივი