​„ფეისბუქმა" საკუთარი აპლიკაციის დიზაინი განაახლა. ცვლილებები ჯერ თუ არ შეგიმჩნევიათ, ე.ი. თქვენი აპლიკაცია ჯერ არ განახლებულა. ამისათვის საჭიროა Play Market-სა და App Store-ში შეხვიდეთ და „ფეისბუქის" მობილური აპლიკაცია განაახლოთ.

​განახლებული დიზაინი უფრო მარტივი და სადაა, ამასთან დახვეწილი და პრაქტიკული. „ფეისბუქმა" აპლიკაციაში ლურჯი ფერები შეამცირა და ძირითადი აიქონის ზომები გაადიდა.

​კონკრეტულად, რა ცვლილებებს შევხვდებით ახალ აპლიკაციაში:

​შემცირებული ლურჯი ფერები

​გაზრდილი აიქონები

​კვადრატული პროფილის ფოტო ახლა უკვე მრგვალია

გაიზარდა გაზიარების, მოწონებისა და კომენტარების ღილაკები, რითაც საჭირო ფუნქციების გამოყენება კიდევ უფრო მარტივი გახდა.

​კომენტარების ველში, დიალოგები ე.წ. ბაბლებში ჩაჯდა და ის უფრო გამარტივებულად იკითხება

​ასევე, გაიზარდა Link Preview-ის ზომაც.