logo_geo
ეს რჩევები დაგეხმარებათ მავნე საკვების მიღების სურვილის დაძლევაში
- +

20 მარტი. 2020. 22:08

 

 

ჩაანაცვლეთ გადამუშავებული საჭმელები და დამატკბობლები ჯანსაღი ალტერნატივებით. მაღალი შაქრის დონის შემცველი პროდუქტები, ხელოვნური დამატკბილებლები და ცხიმები დამოკიდებულებას იწვევენ, რადგან ისინი ორგანიზმში ქიმიურ რეაქციებს წარმოქმნიან. გადამუშავებული პროდუქტები ყველა ამ ასპექტს შეიცავს, რის გამოც უნდა აარიდოთ თავი მათ ჭამას.

 

აკონტროლეთ თქვენი პორციები. თუკი მთლიანად ვერ მოკვეთავთ არაჯანსაღ საკვებს მენიუდან, მაშინ შეგიძლიათ მათი ჭამის გარკვეული დოზები დააწესოთ. მაგალითად თუკი ჩიფსების ჭამა გსურთ, იყიდეთ ყველაზე პატარა პაკეტი. თუკი ერთი პორციის შემდეგ კვლავ იგრძნობთ შიმშილს, მოიცადეთ 30 წუთი შემდეგი პორციის მირთმევამდე. ამ დროის განმავლობააში დიდი ალბათობით შიმშილის შეგრძნება გადაგივლით.

 

შეცვალეთ თქვენი სოციალური ჩვევები. სხვა რამეზე დამოკიდებული ადამიანებივით, საჭმელზე დამოკიდებულებსაც სჭირდებათ ამ ციკლის დარღვევა. ეცადეთ უფრო მეტი დრო გაატაროთ სხვადასხვა ისეთ აქტიურობებში მონაწილეობაში, რომელიც არ შეიცავს ჭამის სეგმენტს. მაგალითად მეგობრებთან ერთად სავახშმოდ წასვლის ნაცვლად შეგიძლიათ წახვიდეთ კინოთეატრში ფილმის სანახავად.

 

დაჯექით მაგიდასთან ჭამის დროს და დაღეჭეთ ნელა. ჩვენი ჰორმონები პასუხს აგებენ ჩვენს შიმშილის გრძნობასა და კალორიების მიღების კონტროლზე. მათ 20 წუთი სჭირდებათ ტვინისთვის იმის შესატყობინებლად, რომ თქვენი მუცელი დანაყრებულია. ამიტომ ჭამის პროცესის შენელება ზედმეტი ჭამის პრობლემასა და წონის მატებას მნიშვნელოვნად უშლის ხელს.

 

თავი აარიდეთ კოფეინს. კარგი ძილი მნიშვნელოვანია სიჯანსაღისთვის და სტრესთან გამკლავებისათვის. კოფეინი სტიმულანტია და მნიშვნელოვნად შეუძლია თქვენი დასვენების რეჟიმის დარღვევა. ამასთანავე მკვლევარებმა გამოავლინეს კავშირი ძილის ნაკლებობასა და წონის მატებას შორის. ამიტომ ნაკლები კოფეინის მიღებით თქვენ მნიშვნელოვნად დაეხმარებით საკუთარ თავს წონის მომატების პროცესის გაკონტროლებაში.

 

წყარო : wyaro
big_banner
არქივი