logo_geo
აფრიკული ტომი, სადაც მამაკაცები ქალების მოხიბვლას მაკიაჟითა და ვარცხნილობით ცდილობენ
- +

6 თებერვალი. 2021. 22:44

 

 

ვოდაბე (Wodaabe) პატარა აფრიკული ტომია, რომელიც ფულანის ეთნიკურ ჯგუფს მიეკუთვნება. მათი რაოდენობა 100 000-ს არ აღემატება და, ძირითადად,  ნიგერიის, ნიგერის, კამერუნის, ჩადისა და ცენტრალური აფრიკის რესპუბლიკის ტერიტორიებზე ცხოვრობენ.

 

ტომის წარმომადგენლები, ძირითადად, გარე სამყაროსგან იზოლირებულები არიან, რამაც მათი საუკუნეების წინანდელი კულტურა და ტრადიციები შემოუნახა.

 

 

ვოდაბეს ტომის წევრები, ძირითადად, მესაქონლეობას მისდევენ. ისინი ადგილობრივ აფრიკულ მსხვილფეხა საქონელს – ზებუს უვლიან და საძოვრების სიმცირის გამო მომთაბარე ცხოვრებას ეწევიან.

 

 

 

პირუტყვს ტომის ცხოვრებაში განსაკუთრებული მნიშვნელობა აქვს

 

რელიგია და კულტურა

 

 

 

ტომის წარმომადგენელთა უმრავლესობა მუსლიმები არიან. მათ ისლამი მე-16 საუკუნეში მიიღეს. აუცილებელია, აღნიშნოს, რომ ისლამი მათ ტრადიციულ წარმართულ რიტუალებს შეერწყა და მათი დღევანდელი რელიგია ერთგვარ ნაზავს წარმოადგენს.

 

ვოდაბეს ტრადიციების მიხედვით, მშობლებს მცირეწლოვან ბავშვებთან ურთიერთობის უფლება არ აქვთ და მათ, ძირითადად, ბებია-ბაბუა ზრდიან. ამასთან, შეუღლებულ წყვილებს სხვების თანდასწრებით ერთმანეთთან საუბრისა და ხელით შეხების უფლება არ აქვთ.

 

 

ნაყოფიერების ფესტივალი

 

წელიწადში ერთხელ, სექტემბერში ისინი ნაყოფიერების ფესტივალს მართავენ სახელწოდებით გერევოლი (gerewol), სადაც მამაკაცები ერთმანეთს ეჯიბრებიან, ჟიურიში კი ქალბატონები არიან. ადგილობრივი ქალბატონები ძალიან აფასებენ თეთრ თვალებსა და კბილებს, ამიტომ, მამაკაცები მაკიაჟს იკეთებენ, რათა ამ თავისებურებებს ხაზი გაუსვან.

 

 

 

ქალი-მოსამართლეები ირჩევენ კაცებს, რომლებსაც ყველაზე მიმზიდველად ჩათვლიან, რათა ღამე მასთან გაატარონ ან ცოლად გაჰყვნენ.

 

 

წყარო : wyaro
right_banner big_banner
არქივი