-
+
7 თებერვალი. 2021. 16:26
ცნობილ ადამიანებს გამორჩეული და რთული ცხოვრება აქვთ, როგორც ჩანს, მათ საკუთარი სიკვდილიც დაუვიწყარი და განსაკუთრებული გახადეს.
გთავაზობთ 10 ფრაზას, რომელიც ცნობილმა ადამიანებმა სიკვდილის წინ თქვეს.
- ოსკარ უაილდი კვდებოდა ოთახში, სადაც უგემოვნო შპალერი იყო გაკრული. მოახლოებულმა სიკვდილმა ცხოვრებაზე მისი შეხედულება არ შეცვალა. სიტყვების შემდეგ: „მომაკვდინებელი შეფერილობა! ერთ-ერთ ჩვენგანს აქედან წასვლა მოუწევს“, ის წავიდა.
- დედოფალი მარია ანტუანეტა სასიკვდილო განაჩენის მისაღებად მიდიოდა და ჯალათს ფეხზე დააბიჯა: „გთხოვთ, მაპატიეთ, მისიე, შემთხვევით მომივიდა“.
- იმპერატორმა ელიზავეტამ გააოცა ექიმები, როდესაც სიკვდილამდე ერთი წუთით ადრე ბალიშებზე წამოჯდა და იკითხა: „რა, მე ისევ ცოცხალი ვარ?“. ექიმებმა რეაგირებაც ვერ მოასწრეს, ისე გარდაიცვალა ის.
- ამერიკელი დრამატურგი იუჯინ ო’ნილი: „ასეც ვიცოდი! ასეც ვიცოდი! დავიბადე სასტუმროში, ეშმაკმაც წაიღოს, სასტუმროშივე ვკვდები“.
- დახვრეტის მოლოდინში მყოფმა მოცეკვავე მატა ჰარიმ ჯარისკაცებს, რომლებიც მას იარაღს უმიზნებდნენ, საჰაერო კოცნა გაუგზავნა: „მზად ვარ, ბიჭებო!“
- ინგლისელი მწერალი-პროზაიკოსი სომერსეთ მოემი: „სიკვდილი – მოსაწყენი და არასასიხარულო საქმეა. ჩემი რჩევა იქნება, არასდროს დაკავდეთ ამით“.
- ამერიკელი პროზაიკოსი და დრამატურგი უილიამ საროიანი: „სიკვდილი ყველას უწერია, მაგრამ მე ყოველთვის ვფიქრობდი, რომ გამონაკლისი ვიქნებოდი. და რა?!“
- ცნობილი ამერიკელი ქირურგი ჯოზეფ გრინი პროფესიული ჩვევის გამო პულსს ისინჯავდა. „პულსი გაქრა“,- თქვა მან და გარდაიცვალა.
- ინგლისელი მწერალი და კრიტიკოსი ლიტონ სტრეიჩი: „ეს თუ სიკვდილია, მე მისით არ აღფრთოვანებულვარ“.
- რუსი მწერალი-სატირიკოსი სალტიკოვ-შედრინი სიკვდილს კითხვით შეხვდა „ეს შენ ხარ, დებილო?“.