logo_geo
ჰიტლერის პატარა რჩეული: ებრაელი ბერნადინ ნინაუ
- +

17 მარტი. 2021. 11:26

 

 

უცნაურად შეიძლება მოგეჩვენოთ, მაგრამ ჰიტლერს ძალიან უყვარდა ბავშვები. თუმცა მას არასდროს უფიქრია იმ ბავშვებზე, რომლებიც საკონცენტრაციო ბანაკებში იხოცებოდნენ... რადგან მისთვის ისინი სტატისტიკა იყო მასაში. აი, ცალკეული ბავშვის შესახებ, რომელსაც პირადად იცნობდა, ამას ვერ ვიტყვით და, აი, რატომ

 

ბერნადინ ნინაუს ფიურერმა ედელვაისი აჩუქა და ნამცხვრებიც აჭამა, მან კი წინდები მოქსოვა ჰიტლერისთვის. იდილია მანამდე გაგრძელდა, სანამ ჰიტლერს არ შეატყობინეს, რომ ბავშვი ებრაელი იყო.

 

ექიმი ბერნარ ნინაუ გარდაიცვალა 1926 წლის 29 თებერვალს. სულ რაღაც ორი თვის შემდეგ მისმა მეუღლემ კაროლინამ გააჩინა გოგონა, რომელსაც ანგელოზის სახე ჰქონდა. მამის პატივსაცემად ბერნადინი დაარქვეს, მაგრამ უფრო ხშირად მას ბერნელს ან ბერნის უწოდებდნენ.

 

ქვრივმა ნინაუმ დორტმუნდი დატოვა და მშობლებთან მიუნხენში გადავიდა, სადაც სახლი იყიდა. მიუხედავად იმისა, რომ ბარნლის ბაბუა კათოლიკე იყო, ბებიამ არ შეიცვალა რელიგია, სიცოცხლის ბოლომდე იუდეველად დარჩა.

 

ჰოლოკოსტის პირველი ეტაპი 1933 წელს დაიწყო. ებრაელები გარიყულნი იყვნენ ქვეყნის კულტურული და სახელმწიფოებრივი ცხოვრებიდან. 1933 წლის დასაწყისში გერმანიაში დაახლოებით 450 000 ებრაელი ცხოვრობდა.

 

შორსმჭვრეტელმა კაროლინამ, გააცნობიერა რა მათი ოჯახის მდგომარეობა, გადაწყვიტა გონივრული ნაბიჯის გადადგმა. მას სურდა, ჰიტლერს ბავშვი საკუთარი თვალით ენახა. ალბათ, ფიქრობდა, თუ ფიურერი გაიგებდა, რომ გოგონა იმავე დღესაა დაბადებული, რა დღესაც ჰიტლერი, ეს მას მოალბობდა, შემდეგ ნინაუს ოჯახი სპეციალურ ანგარიშში ეყოლებოდათ ნაცისტებს.

 

მიუხედავად იმისა, რომ მიუნხენის ქუჩებში იწვოდა ებრაელი ავტორების წიგნები, კაროლინი და მისი ქალიშვილი საცხოვრებლად გადავიდნენ ბავარიის ალპებში, ფიურერის ბერგჰოფის მდიდრულ ვილასთან ახლოს. ბარნლისა და ადოლფ ჰიტლერის დაბადების დღის წინ, კაროლინი აგზავნის ქალიშვილს სოფელში, ფიურერის ვილის მახლობლად, იმ იმედით, რომ შეხვდება თავის მომავალ პატრონს.

 

საკვირველია, რომ კაროლინის ხრიკმა იმოქმედა. ჰიტლერი თავის რეზიდენციაში 44 წლის დაბადების დღის აღსანიშნავად მივიდა. მას სადღესასწაულოდ ჩაცმული ბავშვები დახვდნენ და პირველ რიგში მათ გაუღიმა. ფიურერმა მზერა ქერა ნინაუზე შეაჩერა. მის თვალებში ის იყო არიული სილამაზისა და ჯანმრთელობის განსახიერება.

 

ფიურერმა ბურნელი და მისი დედა მიიწვია თავის აგარაკზე, და შეიტყო, რომ გოგონას დაბადების დღე ჰქონდა იმავე დღეს. მან საჩუქრებით დატვირთა დედა-შვილი. მან მცველებს უთხრა, რომ ბარნლი გაფრთხილების გარეშე შეეშვათ მის რეზიდენციაში, როდესაც ის იქ იყო.

 

პატარას სახემ ფიურერის გვერდით გაზეთებში დაიწყო გამოჩენა. ისინი დადიან ქუჩაში, რაღაცაზე ლაპარაკობენ, იცინის მის ხუმრობაზე, აქვე აძლევს მას თოჯინას და ბავშვი მადლობის ნიშნად კოცნის „ბიძიას“ ... კაროლინასაც არ უგულებელყოფდნენ - მას დაუნიშნეს უზარმაზარი პენსია.

 

ბერნი უფრო და უფრო მეტ დროს ატარებდა თავის პატრონთან. ფოტოსესიების დასრულების შემდეგ გოგონას გაუგზავნეს ფოტო ედელვაისთან, ჰიტლერის საყვარელ ყვავილებთან ერთად. „კეთილი ბიძა“ წერდა: „ჩემს ძვირფას და კარგ ვარდ ნინაუს. მიუნხენი, 1933 წლის 16 ივნისი. ადოლფ ჰიტლერი“.

 

ვარდი ანუ როზა ბარნლის შუა სახელია. „პატარა ბარნლი“, გახდა ჰიტლერის ფავორიტი და მე ბევრჯერ გადავიღე ისინი ერთად ტერასაზე”, - წერს ჰოფმანი.

 

 

აი, ბერნიმ რა მისწერა ნამდვილ ბიძას:

 

მიუნხენი, 1936 წლის 27 სექტემბერი.

 

„ძვირფასო ბიძია ბრიუკნერ! დღეს უამრავი სიახლე მაქვს, რისი თქმაც მინდა. არდადეგებისთვის ჩვენ ობერზალცბერგში წავედით და ორჯერ შევძელი ჩემი საყვარელი ბიძია ჰიტლერის ნახვა. იქ ყოფნას გისურვებთ. მას უკვე საშობაო საჩუქარს ვუმზადებ. ბოლოს წინდები დავუქსოვე და ვკითხე, დიდი ხომ არ აქვს. მან თქვა, დიახ! წელს შევძლებ მისთვის წინდების მოქსოვას საუკეთესო მატყლისგან, დედა მხოლოდ ქუსლთან მეხმარება. ისინი ძალიან თბილი იქნება. ის ისე ხშირად მართავს მანქანას, არ მინდა, რომ გაცივდეს. დედისგან სალამი, გკოცნი შენი ბურნელი“.

 

 

 

მაგრამ ყველა საიდუმლო ადრე თუ გვიან ცხადდება და ბერნლის წარმოშობა ერთ დღესაც გაირკვა.

 

პირველი, ვინც ბარნლის ებრაელ ნათესავებზე განაცხადა, იყო მარტინ ბორმანი, რომელსაც მეფისტოფელ ფიურერს ეძახდნენ. კაროლინსა და მის ქალიშვილებს დაუყოვნებლივ აუკრძალეს ჰიტლერის სახლში გამოჩენა, მაგრამ ბორმანმა არ გაანაწყენა მისი უფროსი და თავიდან აიცილა კითხვები, თუ სად წავიდა მისი „პატარა მეგობარი გოგონა“.

 

მაგრამ სიმართლის დაუსრულებლად დამალვა შეუძლებელი იყო.

 

„ნამდვილი სკანდალი ატყდა, როდესაც ბორმანმა ჩემს წიგნში დაინახა ჰიტლერის ფოტო ამ გოგონასთან ერთად. ძალიან აღელვებულმა, მან მოითხოვა, იქიდან დაუყოვნებლივ წაეღო ფოტოსურათი და როდესაც ვუთხარი, რომ ეს ტექნიკურად შეუძლებელია, მან მთლიანი წიგნის მოხსნა მოითხოვა“, - წერს ჰოფმანი.

 

გასაკვირია, რომ ჰოფმანის თანახმად, ჰიტლერი გაბრაზებული იყო არა ბარნლის, არამედ ბორმანის მიმართ.

 

„მიუხედავად იმისა, რომ ჰიტლერმა ხელი არ შეუშალა ჩემს წიგნს გამოსაცემად, მან მაინც გადაწყვიტა, რომ იგი უნდა ყოფილიყო თანმიმდევრული და გოგონა აღარ ენახა“, - დასძინა მან.

 

„ზოგიერთ ადამიანს აქვს ნამდვილი ნიჭი, რომ გააფუჭოს მთელი ჩემი სიამოვნება!“ - ეს უთხრა ჰიტლერმა ჰოფმანს.

 

მაგრამ, როგორც ჩანს, ჰიტლერი ზედმეტად იყო მიჯაჭვული ბარნლიზე და, ზოგიერთი ცნობით, გარკვეული დროით განაგრძობდა მის მიღებას 1938 წლამდე, როდესაც მას და დედას მკაცრად აუკრძალეს ჰიტლერის სახლში მისვლა.

 

მიუხედავად ამისა, კაროლინამ შეასრულა თავისი ამოცანა - მის ოჯახს არ შეხებია უბედურება და არც ბუხენვალდში, არც აუშვიცში არ გაუგზავნიათ.

 

მიუხედავად ამისა, სიკვდილმა მაინც იპოვა ბარნლი. გოგონა გარდაიცვალა 1943 წელს - 17 წლის ასაკში - პოლიომიელიტით. ფრაუ ნინაუმ კი გადაიტანა როგორც ქალიშვილის, ასევე ჰოფმანის და თვით ჰიტლერის სიკვდილიც და გარდაიცვალა მოხუცთა თავშესაფარში დაჰაუს მახლობლად 1962 წელს.

 

 

წყარო : wyaro
right_banner big_banner
არქივი