თამარ თავაძე: ეს სახლი უნიკალურია თბილისისთვის. ის ყოველთვის საცხოვრებელი სახლი იყო, რომელიც ააშენა 1850-იან წლებში ტფილისელი მეორე გილდიის ვაჭრის არშაკ კონდახსაზოვის მამამ და მას შემდეგ 1990-იან წლებამდე ამ სახლში ცხოვრობდნენ მისი შთამომავლები. მათ შორის, გამოჩენილი თბილისელი მხატვარი, საქართველოს დამსახურებული მხატვარი რობერტ კონდახსაზოვი. ამ სახლში იკრიბებოდნენ 1960-1980 წლების ცნობილი თბილისელი მხატვრები და სხვა გამოჩენილი ადამიანები.