გაზეთ „ასავალ-დასავალთან" ინტერვიუში, „გაერთიანებული დემოკრატიული მოძრაობის" წევრი დიმიტრი ლორთქიფანიძე მიხეილ სააკაშვილის შესაძლო ექსტრადირებაზე საუბრობს. საქართველოს ექს-პრეზიდენტის აშშ-ში გადასვლის შემთხვევაში კი, არ გამორიცხავს ტრამპის დაინტერესებას მისი ექსტრადირებით.

„სააკაშვილს უკრაინის დატოვებაც მალე მოუწევს და, ალბათ, კვლავ ამერიკას მიაშურებს, სადაც ერთადერთი პერსპექტივა გააჩნია - სადმე ლექციები წაიკითხოს!

უკრაინის დატოვების შემდეგ, სააკაშვილს აღარ ექნება გარანტია, რომ მას, როგორც ინტერპოლის წითელი ცირკულარით ძებნილს, ევროპის რომელიმე ქვეყანაში არ დააკავებენ! ამდენად, სააკაშვილს მოუწევს, აშშ-ში ჩაიკეტოს და დიდი ხნის განმავლობაში, იქიდან ფეხი არ გაადგას! გამორიცხული არ არის, პრეზიდენტ ტრამპის ადმინისტრაცია სააკაშვილის საქართველოში ექსტრადირებით დაინტერესდეს", - აღნიშნა ლორთქიფანიძემ.

წყარო :