ისრაელში მცხოვრები ქართველი ჟურნალისტი, მიხეილ ხეცოიძე "ღამის კურიერის“ ეთერში ისრაელში არსებულ ვითარებაზე საუბრობს:

"პირველი ორი დღის განმავლობაში, დაახლოებით 1200-მდე რაკეტის მოგერიება მოუხდა ისრაელს. თუმცა, ამის მიუხედავად, არ წყდება სროლები ყოველდღიურად.

ერთის მხრივ, ღაზას სექტორის ოფიციალური წარმომადგენლობა და სხვა არაბული ქვეყნების წარმომადგენლობა ისრაელს მოუწოდებს, რომ როგორღაც მოხდეს კონფლიქტის აღმოფხვრა.

ისრაელი ერთის მხრივ, თანახმა იყო, რომ მშვიდობიანად მოეგვარებინა ეს დაპირისპირება, თუმცა ამ განცხადების პარალელურად, ქვეყნის ცენტრალური ნაწილის მიმართულებით გამოშვებულ იქნა დაახლოებით 130-მდე რაკეტა, რამაც ისრაელის საჰაერო თავდაცვის სისტემა ფაქტობრივად გამოუვალ მდგომარეობაში ჩააგდო. იმიტომ, რომ ერთის მხრივ, ისრაელი არ იყო ასეთი მასშტაბური შემოტევისთვის მზად,“ - ამბობს მიხეილ ხეცოიძე.

წყარო :