„ახლა კიდევ უფრო მეტად მობილიზებაა საჭირო, ისე გამოდის, რომ ტალღიდან ტალღაზე გადასვლა სწრაფად ხდება“, - ამის შესახებ პროფესორმა, ექიმმა თერაპევტმა მაკა ბულეიშვილმა „მაესტროს“ ეთერში განაცხადა. მისი თქმით, ახლა ძალიან მნიშვნელოვანია რეკომენდაციების დაცვა, რომელიც სამწუხაროდ ხშირად გვავიწყდება.
„კიდევ არის საშუალებები იმისთვის, რომ ჩვენ ამ მდგომარეობიდან გამოვიდეთ და არ დადგეს მაღალი, კატასტროფული მაჩვენებლები. ვაქცინაცია არის ერთადერთი გამოსავალი, რომ უფრო ცუდი მდგომარეობა არ დაგვიდგეს“, - განაცხადა მაკა ბულეიშვილმა.