Facebook-ი განვითარების ტემპს არ ანელებს და სიახლეებს გვთავაზობს. ამჟამად მსოფლიოს ყველაზე დიდი სოციალური პლატფორმა ფერად კომენტარებს ტესტავს. აღნიშნული ფუნქცია ჯერჯერობით მომხმარებლების ძალიან მცირე ნაწილს აქვს გააქტიურებული.
ფერადი კომენტარების ინსპირაცია ფერადი სტატუსებია. ფუნქციის მიზანია, მომხმარებლების კიდევ უფრო გააქტიურება და წერის ფუნქციის დახვეწა.
ფერადი კომენტარების ფუნქცია თავდაპირველად მხოლოდ მობილურ აპლიკაციაში გამოჩნდება და ის დესკტოპ-ვერსიაში არ იქნება ხელმისაწვდომი.
ფუნქციას უკვე იწუნებენ ის მომხმარებლები, რომელთა გემოვნება სისადავეზეა ორიენტირებული. თუმცა, ბუნებრივია ფერადი კომენტარების გააქტიურების შემთხვევაში, ტრადიციული გზითაც შეგვეძლება დაკომენტარება.
ჯერჯერობით უცნობია, როდის გააქტიურდება ყველა მომხმარებლისათვის ფერადი კომენტარების ფუნქცია.