ბრაზილიის შტატ მინას-ჟერაისის ქალაქ ჟანაუბაში საბავშვო ბაღს დაცვის სამსახურის წარმომადგენელმა ცეცხლი წაუკიდა, რის შედეგადაც 6 აღსაზრდელი და ერთი აღმზრდელი დაიღუპა.
ადგილობრივი მედიის ინფორმაციით, 50 წლის ბაღის დარაჯმა ბავშვებს სპირტი გადაასხა და ცეცხლი წაუკიდა. იგივე ქმედება შემდეგ დარაჯმა საკუთარ თავზეც განახორციელა.
4 წლის ასაკის 4 ბავშვი ადგილზე დაიღუპა, 2 კი საავადმყოფოში გარდაიცვალა. თავდამსხმელიც შემთხვევიდან რამდენიმე საათში გარდაიცვალა.
ინციდენტის შედეგად, საავადმყოფოში 24 ადამიანი გადაიყვანეს, მათ შორის 21 ბავშვია.