Apple-ის სმარტფონების განახლებასთან ერთად აპლიკაციების მაღაზიაში (AppStore) უამრავი საინტერესო აპლიკაცია ემატება. ამის შესახებ The Verge-ი წერს.
ყველასთვის ცნობილი Instagram-ის ან YouTube-ის გარდა არსებობს სხვა აპლიკაციებიც, რომელმაც შესაძლოა მომხმარებელი წინასაახალწლოდ დააინტერესოს.
Apple-ის არცთუ ისე იაფ iCloud-ზე მეხსიერების ამოწურვის შემდეგ საუკეთესო გამოსავალი Google Photos აპლიკაცია არის, ეს მაშინ, როდესაც Google-მა ღრუბლოვან ალბომში განსათავსებელი მასალის რაოდენობა გააორმაგა.
აპლიკაცია ერთგვარი გამოსავალია მაშინ, როდესაც დანიშნულების ადგილამდე მისასვლელ გზას ვერ იგნებთ. Google Maps-ი Apple-ის მომხმარებელებისთვის სულ უფრო საჭირო აპლიკაცია ხდება იმ ფონზე, როდესაც Apple Maps-ი კვლავინდებურად არცთუ ისე ზუსტია და ნელი განვითარების ტემპი ახასიათებს.
მაშინ, როდესაც ამინდის პროგნოზის წინასწარმეტყველება შეუძლებელია აპლიკაცია Dark Sky მართლაც რომ საჭიროა. აპლიკაცია არათუ იმ კონკრეტული დღისა თუ საათების პროგნოზს, არამედ მომდევნო რამდენიმე წუთისასაც წინასწარმეტყველებს.
პაროლის დაცვა ალბათ ყველა მომხმარებლისთვის სულ უფრო საჭირო ხდება, მაშინ როდესაც ბოლო პერიოდში სოცქსელებიდან მომხმარებლების პირადი ინფორმაციის გაჟონვის ფაქტები არაერთია. აპლიკაცია მომხმარებელს დაეხმარება ძლიერი პაროლი შეარჩიოს და მისი განმეორებითი აკრეფის თავიდან აცილების მიზნით სისტემაში დაიმახსოვროს ის.
თუ მიეკუთვნებით იმ ადამიანების კატეგორიას, რომლებიც სმარტფონებსში ბევრ ამბავს ინიშნავს (ე.წ. „ნოუთები) ეს აპლიკაცია თქვენთვისაა. IA WRITER-ი კომფორტულია იმით, რომ მასში ჩანიშნული ნებისმიერი დეტალი კომპიუტერში (Mac, PC) პარალელურად აისახება. სხვა სიტყვებით რომ ვთქვათ მათი სინქრონიზაცია ხდება.
აპლიკაციას გამოიყენებს ადამიანების ის კატეგორია, რომელსაც ხშირად უწევს მეგობრისთვის ფულის სესხება და შემდეგ ვალდებულია მას კონკრეტული თანხა დაუბრუნოს.
არდადეგების სეზონზე სახლში უამრავი შეკვეთის მიღება გვიწევს. სწორედ ამიტომ DELIVERIES-ი შესაძლებელს ხდის გავიგოთ თუ სად არის ჩვენი შეკვეთა და რამდენ ხანში მივიღებთ მას. ამისთვის პროგრამაში გზავნილის კოდის უნდა მოვათავსოთ, რის შემდეგაც შეკვეთისთვის თვალყურის მიდევნება უფრო იოლი გახდება.
უამრავი საკითხავია ინტერნეტში, რომელიც ძალიან მოგვწონს. მაგრამ ზოგჯერ შეუძლებელია ყველა მათგანის ერთდროულად წაკითხვა. აპლიკაცია მომხმარებელს შესაძლებლობას აძლევს შეინახოს კონკრეტული ამბავი და მოგვიანებით მიუბრუნდეს მას.
Apple-ის მთავარი კალენდარი კარგია, მაგრამ Fantastical-ი უკეთესი. მაშინ, როდესაც მომხმარებელი რამდენიმე სხვადასხვა ექაუნთიდან ერთდროულად ადევნებს თვალს დაგეგმილ შეხვედრებს, ჭკვიანი სისტემა კი აუდიენციის ადგილსამყოფელს ამატებს ამაზე უკეთესი არაფერია.