ამერიკელი მომღერალი მადონა 2019 წლის „ევროვიზიის“ საკონკურსო კონცერტზე იმღერებს. სიმღერის შესრულებისთვის იგი 1 მილიონ აშშ დოლარს მიიღებს. კონკურსი წელს ისრაელში ჩატარდება.
გავრცელებული ინფორმაციის მიხედვით, მომღერლისთვის აღნიშნული ჰონორარის გადახდას ისრაელ-კანადელი მილიარდერი სილვან ადამსი დათანხმდა.
მილიარდერის პარტნიორის განცხადების მიხედვით, ამ ეტაპზე მიმდინარეობს მადონას წარმომადგენლებთან მოლაპარაკებები.
სილვან ადამსი „Iberville Developments“-ის დამფუძნებლის მარსელ ადამსის ვაჟია. მისი ქონება 1,7 მილიარდ აშშ დოლარად არის შეფასებული. „Forbes“-ის ინფორმაციის მიხედვით, საოჯახო ბიზნესის მართვა სწორედ სილვანმა იკისრა.
„ევროვიზიის“ კონკურსი თელ-ავივში 14-დან 18 მაისამდე გაიმართება.