BBC-ის ინფორმაციით, ამერიკის შეერთებული შტატების პრეზიდენტი დონალდ ტრამპი პირობას დებს, რომ გააუქმებს სასამართლოს დადგენილებას, რომელიც საიმიგრაციო პოლიტიკის შესახებ მის მიერ გამოცემულ განკარგულებას მთელი ქვეყნის მასშტაბით აჩერებს.
მოსამართლე ჯეიმს რობარტის შეფასებით, აშშ-ს პრეზიდენტის გადაწყვეტილება არაკონსტიტუციურია.
„ამ ე.წ. მოსამართლის მოსაზრება ძალიან სამარცხვინოა და აუცილებლად გაუქმდება", - განაცხადა დონალდ ტრამპმა.
შეგახსენებთ, რომ სიეთლის ფედერალურმა მოსამართლემ აშშ-ის პრეზიდენტის დონალდ ტრამპის საიმიგრაციო განკარგულების მოქმედება, რომლის მიხედვითაც შვიდი მუსულმანური სახელმწიფოს მოქალაქეებს 90 დღის განმავლობაში ამერიკაში შესვლა აეკრძალათ, დროებით შეაჩერა.