დიდი ბრიტანეთის ჯანდაცვის დეპარტამენტის მონაცემებით, ქვეყანაში გასული დღე-ღამის განმავლობაში კორონავირუსით 338 ადამიანი გარდაიცვალა. პანდემიის დაწყებიდან დღემდე დიდ ბრიტანეთში კორონავირუსს 36 042 ადამიანი ემსხვერპლა.
აღსანიშნავია, რომ ბოლო მონაცემებით, დიდ ბრიტანეთში კორონავირუსზე ტესტირება 2 064 329 ადამიანს ჩაუტარდა.
ბოლო 24 საათში კი კორონავირუსით ინფიცირების 2 615 ახალი შემთხვევა დადასტურდა, რამაც ინფიცირებულთა საერთო რაოდენობა 250 908-მდე გაზარდა.