დაღესტნის ქალაქ კასპიისკში მიმდინარე ძიუდოს ტურნირი ხელჩართულ ჩხუბში გადაიზარდა. ამის შესახებ რუსული მედია იტყობინება.
გავრცელებული ინფორმაციით, დაპირისპირება ოს და დაღესტნელ გულშემატკივრებს შორის მას შემდეგ დაიწყო, რაც ერთ-ერთი ასპარეზობა დაღესტნელი სპორტსმენის გამარჯვებით დასრულდა.
ხელჩართულ ჩხუბში ძიუდოისტებიც ჩაერთვნენ, რის შემდეგაც ტატამზე მაყურებლები შეიჭრნენ. ჩხუბისას რამდენიმე ადამიანი დაშავდა.