ერთობლივი ოპერაციის ფარგლებში, იტალიასა და გერმანიაში ორგანიზებულ დანაშაულებრივ დაჯგუფება „ნდრანგეტასთან“ კავშირების გამო 31 ადამიანი დააკავეს.
დაკავებულებს ბრალად ნარკოტიკებით ვაჭრობა, ფულის გათეთრება და კორუფცია ედებათ.
ევროპოლსა და ევროიუსტში აცხადებენ, რომ იტალიასა და გერმანიაში ჩატარებულ ერთობლივ ოპერაციაში 800-მდე სამართალდამცველი მონაწილეობდა.
სამართალდამცველებმა ასობით ათასი ევრო, იარაღი და ნარკოტიკული ნივთიერებები ამოიღეს.