logo_geo
კანადაში ყოფილი სკოლა-ინტერნატის ეზოში 215 ბავშვის ნეშტი იპოვეს
- +

29 მაისი. 2021. 10:37

 

 

კანადაში, ბრიტანეთის კოლუმბიის პროვინციაში, ყოფილი სკოლა-ინტერნატის ეზოში 215 ბავშვის ნეშტი იპოვეს. ამის შესახებ CNN-ი წერს.

 

მისი ცნობით, კამლუპსის სკოლა-ინტერნატი აბორიგენი მოსახლეობისთვის განკუთვნილი საგანმანათლებლო სისტემის ნაწილი იყო, რომელიც 1890 წელს გაიხსნა და 1969 წლამდე ფუნქციონირებდა და პიკის პერიოდში 500 მოსწავლეს იტევდა.

 

ნეშტების აღმოჩენას გამოეხმაურა კანადის პრემიერ-მინისტრი ჯასტინ ტრუდოც.

 

„კამლუპსის ყოფილი სკოლა-ინტერნატის ტერიტორიაზე ნეშტების აღმოჩენის შესახებ ინფორმაციამ გული მომიკლა. ეს ამბავი გვახსენებს ჩვენი ქვეყნის ისტორიის ბნელ და სამარცხვინო ნაწილს“, - დაწერა ტრუდომ Twitter-ზე.

 

ზოგიერთი გარდაცვლილის ასაკი 3 წელს არ აღემატებოდა. ინდიელთა სათვისტომოში აცხადებენ, რომ მათი შვილები ვალდებულები იყვნენ, მსგავს სკოლა-ინტერნატებში ესწავლათ, ასეთი სასწავლო დაწესებულებები ცუდად ფინანსდებოდა, მასწავლებლები მოსწავლეებს ცუდად ექცეოდნენ, არაერთი მოსწავლე ინფექციურ დაავადებებს, მათ შორის ტუბერკულოზს ემსხვერპლა.

 

როგორც CNN-თან საუბარში სკოლის ერთ-ერთი ყოფილი მოსწავლე ჰარვი მაკლეოდი ამბობს, რომ სწავლის პერიოდში მისი არაერთი თანაკლასელი და მეგობარი გაუჩინარდა, თუმცა ყველას იმედი ჰქონდა, რომ მათ უბრალოდ გაქცევა მოახერხეს.

 

 

წყარო : wyaro
big_banner
არქივი