მსახიობი უილ სმიტი „ინსტაგრამში" პოსტების სერიას აქვეყნებს და თავისი მემუარების შესახებ დეტალებზე საუბრობს. წიგნის გაყიდვა, რომლის სახელწოდებაა „Will", 9 ნოემბერს დაიწყება.
მემუარებზე მსახიობი და რეპერი ორი წლის განმავლობაში მუშაობდა. მას მწერალი მარკ მენსონი ეხმარებოდა. გარეკანი მხატვარმა ბრენდენ ოდამსმა, იგივე Bmike-მა გააფორმა.
„ისტორია იმაზე, თუ როგორ გაუმკლავდა ერთი ადამიანი თავის ემოციებს, რომელიც ისეა დაწერილი, რომ სხვებს იგივეს გაკეთებაში დაეხმაროს", - აღწერს წიგნს თავად უილ სმიტი.