1-ლი ივლისიდან თურქეთში პანდემიის გამო დაწესებული კომენდანტის საათი უქმდება. ამის შესახებ თურქეთის პრეზიდენტმა, რეჯეფ თაიფ ერდოღანმა განაცხადა.
„დღეს მინისტრთა კაბინეტის სხდომაზე გადაწყვეტილება მივიღეთ, 1-ლი ივლისიდან სრულად გავაუქმოთ კომენდანტის საათი. სახელმწიფო უწყებები მუშაობის ჩვეულებრივ განრიგს უბრუნდებიან. საზოგადოებრივი ტრანსპორტის გამოყენებაზე ასაკობრივი შეზღუდვები ასევე უქმდება“, - აღნიშნა თურქეთის პრეზიდენტმა.
გარდა ამისა, თურქეთის პრეზიდენტის თქმით, ქალაქებს შორის ტრანსპორტის მოძრაობა განახლდება.