სალვადორის ხელისუფლება საკუთარ მოსახლეობას 30 დოლარის ღირებულების ბიტკოინს დაურიგებს.

ისინი მიიჩნევენ, რომ კრიპტოვალუტის მასობრივი გამოყენება ინვესტიციების მოზიდვას შეუწყობს ხელს.

ივნისის დასაწყისში ცნობილი გახდა სალვადორის პრეზიდენტის განცხადება, რომ მათ სურთ ბიტკოინი ქვეყანაში ოფიციალურ ვალუტად გამოაცხადონ.

ამჟამად ქვეყანას ეროვნული ვალუტა არ გააჩნია და ფინანსური ოპერაციებისთვის აშშ-ის დოლარს იყენებს.

ბიტკოინზე გადასვლაში ქვეყანას პრობლემები ექმნება ისეთ ავტორიტეტულ ორგანიზაციებთან, როგორიცაა მსოფლიო ბანკი და Fitch.