logo_geo
eBay-ზე კანიე უესტის ალბომის პრეზენტაციის დროს შეგროვილი ჰაერი იყიდება
- +

26 ივლისი. 2021. 17:59

 

 

eBay-ზე იყიდება ჰაერი, რომელიც გამყიდველის მტკიცებით კანიე უესტის ახალი ალბომის პრეზენტაციაზე შეგროვდა. ამის შესახებ NME წერს.

 

გამოცემის ინფორმაციით, პაკეტს ჰაერით მომხმარებელი imacanon16canz ყიდის. აუქციონი 4 დღეში დასრულდება, მიმდინარე ფსონი $2 125 დოლარს შეადგენს, თუმცა გამყიდველი ამ ლოტისთვის $3 330 დოლარის მიღებას გეგმავს.

 

ეს პირველი შემთხვევა არ არის, როდესაც რეპერის თაყვანისმცემლები მის მიერ გამართული ღონისძიებებიდან ჰაერს ყიდიან. 2015 წელს eBay-ზე მუსიკოსის ერთ-ერთ კონცერტზე შეგროვილი ჰაერი $60 ათას დოლარად გაიყიდა.

 

23 ივლისს კანიე უესტმა თავისი მეათე ალბომის Donda პრეზენტაცია-კონცერტი ატლანტაში გამართა. თუმცა რეპერმა ალბომზე მუშაობა ჯერ ვერ დაასრულა, ამიტომ მისი რელიზი 6 აგვისტომდე გადაიტანეს. თავად უესტი კი საცხოვრებლად იმ სტადიონზე გადავიდა, სადაც პრეზენტაცია გაიმართა და Donda-ზე მუშაობას სწორედ იქ გააგრძელებს.

 

წყარო : wyaro
right_banner big_banner
არქივი