logo_geo
ესპანეთი თურქეთში თვითმფრინავებს გზავნის
- +

2 აგვისტო. 2021. 17:38

 

 

ტყის ხანძრებთან ბრძოლაში დახმარების მიზნით ესპანეთის ხელისუფლება თურქეთში სამ თვითმფრინავს გაგზავნის. ამის შესახებ ქვეყნის შინაგან საქმეთა სამინისტრო იტყობინება.

 

გარდა ამისა, თურქეთში 27 სამხედრო მოსამსახურე - ეკიპაჟის 22 წევრი და საგანგებო სიტუაციების 5 სპეციალისტი ჩავა.

 

„ამ მხარდაჭერით ესპანეთს სურს, ამ საზარელი კატასტროფის მსხვერპლს, თურქეთსა და ცეცხლის გავრცელებასთან მებრძოლ სპეციალისტებს სოლიდარობა გამოუცხადოს", - აღნიშნულია ესპანეთის შინაგან საქმეთა სამინისტროს განცხადებაში.

 

მანამდე თურქეთის სოფლისა და სატყეო მეურნეობის მინისტრმა, ბექის ფაქდემირლიმ განაცხადა, რომ 125 ხანძარია, თუმცა, ანტალიასა და მუღლაში 7 კერაზე კონტროლის დამყარება ჯერ ვერ ხერხდება.

 

ტყის ხანძრებს თურქეთში 8 ადამიანი ემსხვერპლა, 864 დაშავდა.

 

 

right_banner big_banner
არქივი