აშშ-მა ვაშინგტონში რუსეთის საელჩოს 24 დიპლომატს 3 სექტემბრამდე ქვეყნის დატოვება მოსთხოვა. ამის შესახებ აშშ-ში რუსეთის ელჩმა, ანატოლი ანტონოვმა განაცხადა.
„ჩვენ სია მივიღეთ, რომელშიც 24 დიპლომატია შეყვანილი. ამერიკული მხარის განცხადებით, მათ ქვეყანა მიმდინარე წლის 3 სექტემბრამდე უნდა დატოვონ. თითქმის ყველა მათგანი ქვეყანას ჩანაცვლების შესაძლებლობის გარეშე დატოვებს, რადგან ვაშინგტონმა ვიზების გაცემის პროცედურა მოულოდნელად გაამკაცრა“, - აღნიშნა აშშ-ში რუსეთის ელჩმა.