logo_geo
საშობაო წვეულების შემდეგ, ესპანეთის ერთ-ერთი საავადმყოფოს 70-მდე ექთანსა და ექიმს კორონავირუსი დაუდგინდა
- +

7 დეკემბერი. 2021. 14:00

 

ესპანეთში, ანდალუსიაში, ქალაქ მალაგაში მდებარე საუნივერსიტეტო საავადმყოფოში 70-მდე ექთანსა და ექიმს კორონავირუსი დაუდგინდა, - ამის შესახებ Reuters წერს.

 

მედიის ინფორმაციით, ცოტა ხნის წინ, სამედიცინო პერსონალმა საშობაო წვეულება მოაწყო და სწორედ ეს თავყრილობა გახდა 68 ადამიანის ინფიცირების მიზეზი. 1 დეკემბერს გამართულ ღონისძიებას სულ 173 ადამიანი ესწრებოდა.

 

ჯანდაცვის ორგანო განმარტავს, რომ, წვეულებაზე დასწრებამდე, ყველას, ვისაც იქამდე რაიმე შეხება ჰქონდა კოვიდინფიცირებულებთან, ანტიგენის ტესტი ჩაუტარდა და ვაქცინების მესამე, ბუსტერ დოზა მიიღო. ინფიცირებულებს მსუბუქი სიმპტომები აღენიშნებათ.

 

ესპანეთში უკვე ცირკულირებს კორონავირუსის ახალი შტამი - „ომიკრონი“. ჯანდაცვის სამინისტროს ცნობით, ვირუსის ამ ვარიაციის 9 შემთხვევა გამოავლინეს.

 

 

big_banner
არქივი