შობამდე ერთი კვირით ადრე, ნიდერლანდებში კვლავ ე.წ. ლოკდაუნი გამოცხადდა, - ამის შესახებ BBC წერს.
ბარები, სპორტული დარბაზები, სილამაზის სალონები და არაპირველადი დანიშნულების მაღაზიები დაიკეტა. ოჯახებში 2 სტუმარზე მეტის მიღება აიკრძალა. გამონაკლისის სახით, დღესასწაულის დღეებში, 24-26 დეკემბერს, ასევე 31 დეკემბერსა და 1 იანვარს მაქსიმუმ 4 სტუმრის მიღება იქნება ნებადართული.
აიკრძალა ღონისძიებების გამართვა. გამონაკლისია პროფესიონალური სპორტული მატჩები, თუმცა, მათზე მაყურებლის დასწრება არ შეიძლება. ღია იქნება ყოველკვირეული ბაზრობები.
ყველა სკოლა, სულ მცირე, 9 იანვრამდე დაიკეტა. რესტორნებს მხოლოდ გატანის სერვისით მუშაობა შეეძლებათ.
მთავრობა მოსახლეობას მოუწოდებს, მაქსიმალურად დარჩეს სახლში.