მსახიობმა კიანუ რივზმა ფილმ „მატრიცას“ გადაღებების შემდეგ მიღებული შემოსავლის უმეტესი ნაწილი ლეიკემიის კვლევას შესწირა, - ამის შესახებ „Lad Bible“ წერს.
როგორც ირკვევა, 1999 წელს გადაღებული სამეცნიერო ფანტასტიკის ჟანრის ფილმში მას $10 მილიონი წინასწარ გადაუხადეს, ფილმის გამოსვლის შემდეგ კი, დამატებით - $35 მილიონი მიიღო. ჯამში, მიღებული $45 მილიონიდან მან $31.5 მილიონით ლეიკემიის კვლევა დააფინანსა. 20 წელზე მეტი ხნის განმავლობაში, მას ამ საკითხზე არ უსაუბრია და ეს ინფორმაცია მხოლოდ „Lad Bible“-ის სტატიის შემდეგ გახდა ცნობილი.
როგორც მედია იტყობინება, დონაციის დროს, თავად რივზის და - კიმი ებრძოდა ამ დაავადებას და 8 წლის შემდეგ შეძლო მისი დამარცხება.