ყაზახეთში არეულობების შედეგად დაკავებულთა რიცხვი 8 ათასამდე გაიზარდა. ინფორმაციას ამის შესახებ ფრანგული გამოცემა „Le Figaro“ ყაზახეთის შინაგან საქმეთა სამინისტროზე დაყრდნობით ავრცელებს.

„10 იანვრის მდგომარეობით, შინაგან საქმეთა სამინისტროს მიერ 7 939 პირია დაკავებული“, - ნათქვამია უწყების განცხადებაში.

ყაზახეთის ჯანდაცვის სამინისტრო იუწყება, რომ ქვეყანაში ბოლო დღეების განმავლობაში არეულობის შედეგად 164 ადამიანი დაიღუპა. ყაზახეთში 10 იანვარი გლოვის დღედ გამოცხადდა.