„ყაზახეთი ევროკავშირთან პარტნიორობის გაძლიერებას გააგრძელებს“, - განაცხადა ყაზახეთის პრეზიდენტმა, ყასიმ-ჟომართ თოყაევმა.
ევროპული საბჭოს პრეზიდენტმა, შარლ მიშელმა ყაზახეთის პრეზიდენტთან, ყასიმ-ჟომართ თოყაევთან ვიდეოკონფერენციის რეჟიმში საუბარი გამართა.
„ჩვენ არასდროს გამოგვიყენებია და არ გამოვიყენებთ შეიარაღებულ ძალას მშვიდობიანი მომიტინგეების წინააღმდეგ. ყველა ასეთი ბრალდება მცდარია. ყაზახეთი ევროკავშირთან პარტნიორობის გაძლიერებას გააგრძელებს“, - აღნიშნა ყაზახეთის პრეზიდენტმა.
ყასიმ-ჟომართ თოყაევის თქმით, ყაზახეთი უპრეცედენტო აგრესიისა და სახელმწიფოებრიობაზე თავდასხმის წინაშე აღმოჩნდა და სასწრაფო ზომები მიიღო კონსტიტუციური წესრიგისა და კანონის უზენაესობის აღსადგენად.